Под этим названием известен памятник, помещенный в Цветнике (сборнике слов и поучений) XVI в. Опубликовавший этот памятник С.В.Юшков (Летопись занятий Археограф. комиссии, вып. 35) считает его памятником XIII–XIV вв.: к этому присоединяется и Б.Д.Греков. В подлиннике заглавие: «а се есть правосудье митрополичье» – написано на полях. В той же рукописи то же название, – «Правосудье митрополичье», – отнесено выше и к выдержке из Церковного устава Владимира. Самый памятник, по-видимому, не имеет отношения к практике церковных судов, а тем более к митрополитам, и является оригинальным произведением, написанным каким-то не очень грамотным монахом. Таково, например, постановление «передни идет, а заднии что наидет не делиться с передним, а переднии делиться з задним». В числе источников Митрополичьего правосудья были церковный устав Ярослава и Русская Правда пространной редакции, а также некоторые другие источники. В настоящем своем виде Правосудье не могло возникнуть ранее XIV в., на что указывают следующие слова и выражения: пристав, исправа, присуд, поличное, послух, прирочен, слуга. Последнее слово употреблялось в XIV–XV вв. для обозначения дворян, служивших князьям или боярам. По своей терминологии Митрополичье правосудие особенно близко к московским памятникам вроде Судебников. Печатается по изданию: «Русская Правда», под ред. С.В.Юшкова, стр.176–178, но с некоторыми изменениями в расстановке знаков препинания. Деление на статьи дано по С.В.Юшкову.
А се есть правосудье митрополичье
1. Князю великому за безсчестье главу снять, а меншему князю, ли сельскомоу, ли тысячьникомъ, ли околичникомъ, ли боарину, ли слузе, ли игумену, ли попу, ли дьакону, по житью, по слоужбе безсчестье соудятъ.
2. Тивуну княжю безсчестье гривна злата, такъ и наместнику.
3. Аще ли комоу соудятъ злато за бесчестье противу того соудьи несть злата за злато, но деляться соудья присудомъ.
4. А се вина моужа с женою разлучити: 1-я вина – застанетъ моужь женоу свою с чюжимъ моужемъ , а учинитъ исправу на нее, разлучити их; 2 – вина – аще подумаетъ жена на моужа зелеемъ; 3 – опричь моужа своего спати; 4 – с чюжими людми ходит на пиръ; 5 – ходитъ на игрище опричь моужа своего; 6 – велит моужа своего красти; 7 – иметъ кто мыслити на моужа ея, ана ведаетъ а не скажетъ, того ради разлучить ихъ по исправе.
5. За голубь 9 коунъ, за утку 30 коунъ, за гусь 30 кунъ, за лебедь 30 коунъ, за жеравь 30 кунъ, за кошку 3 гривны, за собаку 3 гривны, за кобылу 60 кунъ, за волъ 3 гривны, за корову 40 кунъ, за третьак 30 кунъ, за лонщину полгривны, за теля 5 кунъ, за боранъ ногата, за порося ногота, за овцу 5 кунъ, за жеребца гривна, за жеребя 6 ноготъ.
6. Передни идетъ, а заднии что наидетъ, не делиться с передним, а переднии делиться з заднимъ.
7. Аще кто насилитъ девку ли оумучитъ, а боудетъ дщи боярская, ли жена, за срамъ еи 5 гривенъ злата; а меншихъ бояръ дчи, гривна злата, а добрыхъ 30 гривенъ сребра, а нарочитых 3 рубли, а оумытцехъ епископу гривна, а князь казнит.
8. Аще ли на тен боудетъ лихъ недужь, ли слепа, ли дльгая болезнь, про то отпустити ея, также и моужа.
9. Аще кто кому пострижетъ браду, ли главу, 12 гривенъ, а князь казнитъ.
10. Ты же, соудья, соуди слова, а не сердца: то есть соудъ, что идетъ оу человека изъ оустъ.
11. Око человекоу соудиться за полвека – 40 гривны.
12. А душегоубца велити казнити градскымъ закономъ: оссечи его да продати, какъ стечетъ, а домъ его на грабеж.
13. А татя безъ поличного на вязати, ни казнити, ни повесити.
14. Въ корьчме человека оубьютъ, за безчестее ногата, наезда 100 гривенъ, а самосуда 2 рубли.
15. А вины властелину противоу поличного, а исцю тако ж.
16. А будетъ послухъ прироченъ, а скажетъ свои прирокъ, соуд и послух есть.
17. А грамот тать на себя держати, а людемъ на аборон не довати.
18. А соудьи стати за епископомъ своимъ самому, а скуду списка не слати.
19. А холопа своего, ли татя, с поличнымъ изнимавъ в чюжьи отчине, вести его ко своему судьи да судити.
20. А что ся деялъ за 3 годы того не искати судомъ, ли что деялся при иномъ князи ли властелине, того не искати.
21. На монастырское строение чернець игумну послухъ, а но иное не послухъ.
22. Аще кто собаку оубьетъ ли кошку, вины гривна, а собаку в собаки место, а кошка в кошки место.
23. Аще ли кто на кого хвалиться, ту его и утягати, то ему есть судъ.
24. А тать оу пристава убежить, а не осуженъ, приставу в томъ несть вины, а осуженъ, вина, оубежитъ, приставу вина, а исцева дати.
25. Дети отцю не послуси, а на отца послуси.
26. Поп, игуменъ, дьяконъ никому не послоуси, развее на духовное дело, а своему брату игумну, попу, дьякону.
27. А се стоитъ в соуде челядинъ наимитъ, не похочетъ быти, а осподарь, несть емоу вины, но дати ему въдвое задаток; а побежитъ от сподаря выдати его осподарю в полницу.
28. Аще ли оубьеть осподарь челядина полнаго, несть емоу душегоубьства, но вина есть емоу от бога.
29. А закоупнаго ли наимита, – то есть душегоубьство.
30. Тати ли во прирочнемъ человеце сутяжаи есть, а послухъ нетъ.
31. Аще ли моужь ожениться иною, а старою не распоустився, моужь в вине, а младую жену в домъ взяти, а старою жити.
32. Аще ли кто зблоудитъ скотиною 12 гривенъ; а свекоръ снохою 100 гривенъ; а деверь сь ятровью 30 гривны; а сестрею 30 гривенъ; а с мачехою 40 гривенъ, а два брата съ единою женкою 100 гривенъ; а женка в домъ, а опитемьи по закону.
33. Аще ли кто две жены держитъ, 40 гривенъ, а которая подлегла, та в домъ церковьныя, с первою жити по закону, а будетъ лихъ до нея, того достоитъ казнити.
34. Аще ли жена мужа бьетъ, 3 гривны, а две жены бьються, на виноваитои гривна.
35. Аще ли чернець ли черница растрижется, епископъ ихъ въ что обрядитъ.
36 Что ся дееть в монастырехъ ли в монастырскыхъ людехъ, да не вступаеться князь ли властелинъ: то ведаетъ и епископъ.